الحزن البعيد الهادى
القسم : كتب الشعر والفنون
الكاتب : محمد إبراهيم
لبكرة أنا لسه شايفه طشاش
ولمراتي اللي ماعرفهاش
ولولادي اللي لسه مجوش
وللناس اللي مفتكروش
يعزوني في موتي زمان
لكلمة سيبها بظروفها
وكلمة : لسه بالإمكان
ولإخواتي اللي مهتموش
بفكرة اني بكتب شعر
ولأصحابي اللي حطوا اصفار
ف خانة السعر
يوم ما اتبعت واتودعت
لإيد أمي اللي سندتني
ف يوم ما وقعت
ف تاتا وخطوة خطيتها
لكل إزازة رجيتها
عشان الصودا منها تروح
لقعده فوق سطوح بيتنا
وكات ريحة الريحان بتفوح
لسور المدرسة العالى
عشان علمنى اعدى السور
لفكرة انى مش بعرف
اعيش زى البشر ف النور
لسنى اللى نسى يتعد
لدمعة فرحة نازلة بجد
لذكرى بنت حبيتها
مجاش فيه بنت مطرحها
لضحكة حزن فى فرحها
وانا واقف مع المعازيم
لنصى الأبيض اللى الوقت
مسابش ف وشه جزء سليم
لصوت فيروز نجاة وحليم
لكل الماضى والأشواق
لكل اللى انتهى فجأه
وكل اللى ابتدى صدفه
لكل نهايه مش هادفه
وكل حكايه مش بتطول
انا حابب بإنى أقول
مفيش فى الدنيا شيء ثابت
مفيش ولا حاجه على حالها
مفيش فى الدنيا إيد سابت
حاجات إلا اما جه بدالها !!!
اقرأ أيضا في كتب الشعر والفنون
اقرأ أيضا لـمحمد إبراهيم
يمكن ان يعجبك
-
قصر الكلام
كتاب قصر الكلام لجلال عامرقصر الكلام مجموعة مقالات سياسية حول الشأن المصري للراحل الحاضر دائما
-
الأثنين الأسود
الأثنين لا أستطيع الوثوق في ذلك اليوم ، تردد صوت إطلاق النار في أرجاء الطابق
-
الذات تصف نفسها
هذا الكتاب هو عبارة عن بحث فلسفي معمق وغزير بإحالاته " إلى نيتشه ، وهيغل
-
فكر كأرسطو واكتب كشكسبير
فى سلسلة من السيناريوهات الممتعة جداً وسهلة الاستيعاب فى الوقت نفسه ، يقدم لنا الكاتب
جميع الحقوق محفوظة © 2021
